Махсус имкониятлар
Шиддат билан ўсиб бораётган озиқ-овқат эҳтиёжи, бозор талаби хориж боғдорчилигидаги мавжуд ижобий усул ва кўникмаларини мамлакатимиз боғдорчилигида ҳам қўллаш амалиётларини талаб қилди. Бугун юртимиз боғдорчилигига кириб келган янги агротехник усул ва воситалар бу жараённи янада фаоллаштирди
Шунинг учун интенсив боғлар яратиш, ундан сифатли маҳсулот етиштириб олиш ва нафақат юртимиз, балки дунё бозорига экспорт қилишга катта эътибор қаратилмоқда.
Туман ҳокими ва сектор раҳбарлари 28 гектар майдонга эга “Marokand agro invest” фермер хўжалигида бўлиб, у ерда боғдорчиликнинг ўзига хос хусусиятлари билан танишди. Миришкор томорқачиларнинг меҳнати, олиб борилаётган агротехник тадбирлари мўл хосил учун нақадар муҳим эканлиги хусусида суҳбатлашди.
Шунингдек, келгусида мазкур фермер хўжалигида қўшимча янги иш ўринларини яратиш, келажак авлодга боғдорчиликнинг сир-асрорларини ўргатиш ва жамиятда муносиб ўринга эга бўлиши учун қилиниши керак бўлган ишлар юзасидан зарурий тушунчалар берилди.
