Ўрнак олса арзигулик маҳалла

Самарқанд туманининг Равонак маҳалласида 54-умумтаълим мактаби жойлашган. Ушбу мактабда 50 сотих экин экиш учун қулай бўлган ер мавжуд. Хўш, мактаб жомоаси бугун мазкур ердан қандай фойдаланишмоқда? Туман прокурори, 2 сектор раҳбари Ж.Санаев мактабда, хонадонларда бўлиб, ердан фойдаланиш ҳолатини ўрганди.

Дастлаб, мактаб ҳовлисида экилган экинларнинг парвариши билан қизиқди.

- Мавжуд 50 сотих ернинг 10 сотихига кўкатлар, қолган ерга эса картошка экдик, - дейди мактаб директори Аршадбек Искандарий. – Қилган меҳнатимиз самараси ўлароқ мактабнинг таъмирталаб жойлари таъмирланади, синфхоналар жихозланади. Бунда жамоамиз доим аҳиллик билан ҳаракат қилишади.

Айсуски ҳамма мактабларни бундай дейиш мушкул. Чунки мавжуд ердан самарали фойдаланмаётган раҳбарлар ҳам топилади.

Шундан сўнг туман прокурори ушбу маҳаллада яшовчи Қаҳҳоровлар оиласида бўлди. Узоқ йиллардан буён ҳайкалтарошлик ва кулолчилик билан шуғулланиб келаётган усталарнинг ижоди билан яқиндан танишди. Шунингдек, бошқа хонадонлардаги муаммоларни ўрганиб, керакли ёрдам бериш чораларини кўрди.