Ҳокимлик аппаратининг масъул ходимларини сиёсий, иқтисодий, ҳуқуқий билим ва кўникмаларини ошириш, уларга бошқарувнинг замонавий талаблари, қабул қилинаётган янги қонунлар, Ўзбекистон Республикаси Президенти ва Ҳукумати Фармонлари, қарорлари ва фармойишларининг мазмун-моҳиятини ҳамда жаҳонда ва мамлакатимизда содир бўлаётган воқеа-ҳодисаларни етказиб бориш мақсадида туман ҳокимлиги аппарат ходимлари учун ўқув-семинар ўтказилди.
Унда Самарқанд туман ҳокимининг ўринбосари-инвестициялар ва ташқи савдо бўлими бошлиғи Ш.Аслиев ҳудудда фаол инвестицион муҳитини шакиллантириш, экспортини ривожлантириш ва импортини қисқартириш бўйича белгиланган чора-тадбирлар ҳамда амалдаги ижроси тўғрисида маълумот бериб ўтди.
Шунингдек, Туман ҳокимлиги ташкилий-назорат гуруҳи раҳбари томонидан мамлакатимиз ҳамда жаҳонда содир бўлаётган иқтисодий, ижтимоий-сиёсий воқеа-ҳодисалар ҳақида фикр-мулоҳазалар юритилди.
Семинар давомида иштирокчилар ўзларини қизиқтирган саволларига батафсил жавоб олишди.