Янгиликлар

Жиноятга жазо муқаррар

Қилмиш-қидирмиш, деб бежизга айтишмайди. Ҳар бир қилган жиноятнинг албатта, жазоси бор.

Жорий йилнинг 15 июнь куни Самарқанд тумани ИИБга фуқаро Жамолиддин Пўлатов дан ариза келиб тушади. Аризада 2021 йил 15 июнь куни соат тахминан 10:00 ларда ўзига тегишли бўлган “Кобалть” русмли автомашинани “Мирзо Улуғбек” маҳалласидаги автомашиналар ювиш шохобчасидан олиб қочганини маълум қилинади. Шундан сўнг туман ИИБ томонидан тезкор қидирув ишлари олиб борилиб, автомашина фуқаро Ш.А томонидан олиб қочганлиги аниқланади. Оқибатда фуқарога нисбатан жиноят иши қўзғатилади.

Фермерларнинг муаммоси ҳал бўлди

Бугун Самарқанд туманидаги фермер хўжаликлари раҳбарлари томонидан "Меҳробод" ММТП ҳудудида қишлоқ хўжалиги экинларини суғориш муаммо бўлаётгани хусусида хабар берган эдик. Масаланинг ечими юзасидан учрашув ҳам ўтказилган эди.

Шундан сўнг раҳбарларнинг кўрсатмаси билан фермер хўжаликларига Янги Ургут каналидан сув берилиши таъминланиб, муаммо бартараф этилди.

Фермер хўжаликлари раҳбарларининг арзи эшитилди

Вилоят ҳокимлигида ташкил этилган учрашувда вилоят прокурори Равшан Машарипов, Самарқанд тумани ҳокими Носир Мавлонов ҳамда тумандаги фермер хўжаликлари раҳбарлари қатнашди. 

Унда Самарқанд тумани "Меҳробод" ММТП ҳудудида қишлоқ хўжалиги экинларини суғориш учун сув етишмаётганлиги кенг муҳокама этилди. Бундан норози бўлиб келган фермер хўжаликлари раҳбарларига ҳудудда сув танқислигини бартараф этиш юзасидан олиб борилаётган ишлар тўғрисида маълумот берилди. Шунингдек, мавжуд камчиликларни ўз вақтида ҳал қилиш тўғрисида масъул ташкилотларга тегишли топшириқлар берилди.

Қабул жараёнлари 5 кун муддатда бошланади

Бу ҳақда Президент раҳбарлигидаги видеоселекторда маълум (https://t.me/zarnews_uz/39873) қилинди.

Бу йил олийгоҳларга қабул сони ўтган йилга нисбатан 13 фоизга оширилиб, 181 минг нафарга етказилди. 

Қабул жараёнларида 1,5 миллиондан зиёд ёшлар олийгоҳларга кириш учун ҳужжат топшириши кутилмоқда.

Беш кун муддатда аҳолидан ҳужжатларни онлайн қабул қилиш бошланади. 

Шавкат Мирзиёев Бош вазирга икки ҳафта муддатда қўшимча давлат гранти асосидаги (имтиёзли) қабул параметрларини тасдиқлаш бўйича кўрсатма берди. 

Samarqand tumaniga diniy masalalar bo‘yicha bosh mutaxassis tayinlandi

Azamat Gʻafurov — Vazirlar Mahkamasi huzuridagi Din ishlari bo‘yicha qo‘mitaning Samarqand tumani bosh mutaxassisi etib tayinlandi.

A. Gʻafurov shu kunga qadar Samarqand viloyati investisiyalar va tashqi savdo boshqarmasi Samarqand tumani investisiyalar va tashqi savdo bo‘limi  bosh mutaxassisi vazifasida faoliyat yuritib kelayotgan edi.

2015-2021 © Самарқанд туман ҳокимлиги. Сайт яратувчиси: SAKTRM