Янгиликлар

Tuman hokimi o‘rinbosari mahallada qabul o‘tkazdi

Tuman hokimining yoshlar masalalari bo‘yicha o‘rinbosari Dilfuza Azizova Bo‘zi mahallasida yoshlar va mahalla fuqarolarini qabul qildi.
Qabulda ichki yo‘llarni ta’mirlash, kredit ajratish, moddiy yordam tayinlash masalalari yuzasidan murojaatlar kelib tushdi. Shuningdek, elektr simyog‘ochlarini almashtirish, yoshlarni ish bilan ta’minlash singari masalalar to‘g‘risida qilingan murojaatlar yuzasidan qonun doirasida tushuntirishlar berildi. Muddat talab qiladigan murojaatlar asosida tegishli tashkilot rahbarlariga  topshiriqlar berilib, ijrosi qat’iy nazoratga olindi.

“Yosh huquqshunos” tanlovining tuman bosqichi yakunlandi

Maqsad yoshlarning huquqiy bilim va madaniyatini yuksaltirishdan iborat bo‘lgan tanlovning tuman bosqichi “Raqamli texnologiyalar markazi”da o‘tkazildi.

Tuman ichki ishlar va Yoshlar ishlari agentligi bo‘limlari hamkorligida tashkil etilgan tanlov natijalariga ko‘ra, 7-14 yosh toifasida Saxovat mahallasidan Marjona Axatova hamda 14-18 yosh toifasida Intizor Davronova, 18-30 yosh toifasida Mirzo Ulug‘bek mahallasida yashovchi Amir Raximovlar munosib o‘rinlarga ega bo‘ldi.

Gʻoliblar tanlovning viloyat bosqichiga yo‘llanmani qo‘lga kiritdi.

Bolalar dunyoning quvonchi

Bolalar hayotimiz davomchilari, kelajagimiz egalaridir. Binobarin, ularni asrab-avaylash, har tomonlama barkamol qilib voyaga yetkazish har bir davlat, har bir oila, har bir ota-onaning muqaddas burchidir.
O‘zbekistonda ham farzandlarimiz ana shunday mehr-muhabbat, ulkan g‘amxo‘rliklar og‘ushida voyaga yetmoqda. Bugun, 1 iyun - Xalqaro bolalarni himoya qilish kuni munosabati bilan joylarda tashkil etilayotgan bayram tadbirlari fikrimizning isbotidir.

“Tuman hokimi sovrini” uchun fan olimpiadasi boshlandi

38-umumtalim maktabida start berilgan olimpiadani tuman bosqichining ochilish marosimida tuman hokimi, sektor rahbarlari, Xalq qabulxonasi mudiri va keng jamoatchilik vakillari ishtirok etdi.

Unda so‘zga chiqqanlar o‘quvchilarning yetarlicha ta’lim olishi uchun keng imkoniyatlar yaratib berilayotganini ta’kidlashdi. Bu kabi olimpiadalar kelgusida o‘z samarasini berishiga umid bildirishdi. Bu borada o‘quvchilarga omad tilashdi.

2015-2022 © Самарқанд туман ҳокимлиги. Сайт яратувчиси: SAKTRM