Samarqand tumanida O‘zbekiston Respublikasining “Davlat tili haqida”gi Qonunining 10-moddasi talablari asosida korxonalar, muassasalar, tashkilotlar va jamoat birlashmalarida ish yuritish, hisob-kitob, statistika va moliya hujjatlari davlat tilida yuritilishi bo‘yicha tuman ishchi guruhi tomonidan tumandagi 12 ta davlat tashkilotlarida, 15 ta umumta’lim maktablarida o‘rganish o‘tkazildi.

Samarqand tuman ichki ishlar bo‘limida hozirgi kunda jami 297 nafar yoshlar profilaktik hisobda turibdi. Shundan 2022 yil fevral oyida 53 nafar yoshlar bilan IIB HPB TP profilaktika inspektorlari va hamkor tashkilotlar tomonidan olib borilgan profilaktik ishlar davomida xulqi va odobi ijobiy tomonga o‘zgarganligi sababli profilaktik hisobdan chiqarildi.

Tuman hokimning o‘rinbosari, mahalla va oilani qo‘llab-quvvatlash bo‘limi boshlig‘i Shavkat Xasanov ishtirokida ochiq muloqot o‘tkazildi.

-  Samarqand tuman qo‘riqlash bo‘limi tomonidan 2022 yil davomida jami 162 ta ob’yekt, 29 ta xonadon  shartnoma asosida qo‘riqlanib kelinmoqda, - deydi tuman milliy gvardiyasi qo‘riqlash bo‘limi boshlig‘i Talat Olimov matbuot anjumanida.

Samarqand tumani Mahalla va oilani qo‘llab-quvvatlash bo‘limi  tomonidan tumandagi 74 ta mahallaning moddiy texnika ta’minotini yaxshilashga jiddiy e’tibor qaratilgan. Masalan, 2021 yilda 3 ta mahalla binosi qurib, foydalanishga topshirildi. Qoziqo‘rg‘on, Konigil va Gulobod mahallalari shular jumlasidan. Bundan tashqari 7 ta mahalla fuqarolar yig‘inlarida qurilish-ta’mirlash ishlari olib borilmoqda.
Tuman hokimning o‘rinbosari, mahalla va oilani qo‘llab-quvvatlash bo‘limi boshlig‘i Shavkat Xasanov o‘tkazilgan ochqi muloqotda shudlar to‘g‘risida so‘z yuritdi.

Unda Din ishlari bo‘yicha qo‘mitaning bosh mutaxassisi Azamat Gafurov ishtirok etdi.

- Bugungi globallashuv va taraqqiyot asri har kimdan kuchli bilim va tafakkur egasi bo‘lishni, zamonaviy axborot texnologiyalaridan unumli va maqsadli foydalanishni, sodir bo‘layotgan voqea hodisalarga nisbatan mustahkam insoniylik pozisiyasi bilan yondashishni talab etadi, - dedi A.Gafurov. - Yoshlarni diniy ekstremizm va terorizm, “ommaviy madaniyat” hamda ma’naviy tahdidlar kabi salbiy illatlar va uning zararli oqibatlaridan asrash har birimizning burchimizdir.