Янгиликлар

Mahalladagi hamkorlik samarali bo‘ladi

Tuman hokimligida tashkil etilgan seminarda shu xususida so‘z bordi.
Unda Xalq qabulxonasi mudiri, hokim o‘rinbosarlari, korxona-tashkilot rahbarlari, mahalla raislari, hokim yordamchilari, profilaktika inspektorlari, yoshlar yetakchilari hamda xotin-qizlar faollari ishtirok etdi.
Seminarda so‘zga chiqqanlar o‘zini-o‘zi boshqarish organlarida saylovlar muvaffaqiyatli yakunlangani, ayniqsa, mahalla fuqarolar yig‘inlariga yangi saylangan raislari ish faoliyatini bugungi kun talabiga muvofiq tashkil etish borasida to‘xtaldi.

Sudyalar sayyor qabul o‘tkazdi

Bugungi kunda har bir rahbar xalq bilan birga yashab, halq bilan birga uning dardi, muammolarini tinglab, o‘rganib, muammolarni joyida hal etishga harakat qilishni o‘z oldiga maqsad qilib qo‘ygan. Zero zamon va davr talabi shuni taqozo qilmoqda.
Shu qatori sudyalar ham hududlardagi aholi bilan uchrashib, ularning muammolarini tinglab, o‘z yo‘nalishidagi muammolarni joyida hal qilish maqsadida sayyor qabullarni o‘tkazib kelmoqda. Shunday uchrashuvlardan biri Samarqand tumanida bo‘lib o‘tdi.

Tuman hokimi o‘rinbosari mahallada qabul o‘tkazdi

Tuman hokimining yoshlar masalalari bo‘yicha o‘rinbosari Dilfuza Azizova Bo‘zi mahallasida yoshlar va mahalla fuqarolarini qabul qildi.
Qabulda ichki yo‘llarni ta’mirlash, kredit ajratish, moddiy yordam tayinlash masalalari yuzasidan murojaatlar kelib tushdi. Shuningdek, elektr simyog‘ochlarini almashtirish, yoshlarni ish bilan ta’minlash singari masalalar to‘g‘risida qilingan murojaatlar yuzasidan qonun doirasida tushuntirishlar berildi. Muddat talab qiladigan murojaatlar asosida tegishli tashkilot rahbarlariga  topshiriqlar berilib, ijrosi qat’iy nazoratga olindi.

“Yosh huquqshunos” tanlovining tuman bosqichi yakunlandi

Maqsad yoshlarning huquqiy bilim va madaniyatini yuksaltirishdan iborat bo‘lgan tanlovning tuman bosqichi “Raqamli texnologiyalar markazi”da o‘tkazildi.

Tuman ichki ishlar va Yoshlar ishlari agentligi bo‘limlari hamkorligida tashkil etilgan tanlov natijalariga ko‘ra, 7-14 yosh toifasida Saxovat mahallasidan Marjona Axatova hamda 14-18 yosh toifasida Intizor Davronova, 18-30 yosh toifasida Mirzo Ulug‘bek mahallasida yashovchi Amir Raximovlar munosib o‘rinlarga ega bo‘ldi.

Gʻoliblar tanlovning viloyat bosqichiga yo‘llanmani qo‘lga kiritdi.

2015-2022 © Самарқанд туман ҳокимлиги. Сайт яратувчиси: SAKTRM