Махсус имкониятлар
Самарқанд туман Хўжа Аҳрори Валий кўчаси яъни, туман тиббиёт бирлашгмаси қаршисидаги йўлда автомобилларнинг тирбандлик ҳосил қилиши кўпчиликни дилини хира қилиши табиий. Бу айниқса, Янги йил арафасида бўлса. Бунинг оқибатида автоҳалокатлар ҳам юзага келмоқда. Хўш, масаланинг асл моҳияти нимада?
Келинг, ҳолатга аниқлик киритиш учун гапни аввалроқдан бошлаймиз.
Туман ҳокимлиги, ички ишлар бўлими ва қатор мутасадди ташкилотлар билан ҳамкорликда бунга ойдинлик киритиш ва муаммони ечиш, бундай ноқулайликларни бартараф этиш мақсадида жорий йил бошидан хусусан, 13 октябрь куни ишчи гуруҳи тузилиб, ўрганишлар ўтказилган эди. Бу ҳақда туман ҳокимлигининг расмий веб сайтида ва ижтимоий тармоқларда мақола ҳам эълон қилган эдик.
Ўрганишлар давомида пиёдалар юриш йўлакларида ноқонуний савдо ташкил қилган айрим тадбиркорлар огоҳлантирилди, айримлари жаримага тортилди. Афсуски, бундан тўғри хулоса чиқармаган, ҳолатга панжа орасидан қараётган фуқароларимиз ҳам йўқ эмас.
Айни кунда ноқонуний фаолият юритаётган мазкур “бозор” туман тиббиёт бирлашмаси олдидан узунлиги 200 метрча келадиган кўчада жойлашган. Тиббиёт бирлашмасига кириб-чиқиши учун барпо этилган йўл “бозор”га айланиб кетган. Бу ерда ноқонуний равишда ёймачилар жойлашган. Кийим-кечаклар ва ҳатто, мева-чева, сабзавотлар ҳам ерда сотилмоқда.
– Ноқонуний бозор беморларни туман тиббиёт бирлашмасига олиб келишда кўп қийинчиликлар туғдирмоқда, – дейди туман тиббиёт бирлашмаси бош шифокор ўринбосари Тўлқин Меҳмонқулов. – Бу айниқса, транспорт воситалариниг тирбандлигини юзага келтирмоқда. Автомобилларнинг эркин ҳаракатига тўсқинлик қилаётган бу фуқаролар келаётган бемор ўзининг қариндоши, ака-укаси ёки опас-синглиси бўлиши мумкинлигини ҳаёлларига ҳам келтиришмайди.
Айрим эътирозлар ҳам бўлиши табиий. Чунки тирикчилик қиляпмиз, рўзғоримиз бор дегувчилар ҳам топилади. Аммо, бунинг учун қонуни менсимаслик керак эмас албатта. Масаланинг асл моҳияти ҳам ана шунда.
Ана шундан келиб чиқиб, нафақат Янги йил арафасида, балки йил давомида аҳоли кайфиятига салбий таъсир кўрсатадиган, йўловчиларнинг саломатлигига хавф туғдирадиган ҳолатларнинг олдини олиш мақсадида туман ҳокимлиги, ИИБ, йўл патрул хизмати ходимлари билан ҳамкорликда профилактик тадбирлар ўтказилиб келинмоқда. Маънавий муҳит барқарорлигини таъминлаш учун савдогарлар билан тез-тез суҳбатлар ўтказилмоқда.
