Самарқанд туманининг тоғли худудида жойлашган 32-сонли умум таълим мактаби 2 ой ичида ҳомийлар ва маҳалла фаоллари кўмагида капитал таъмирланиб, Янги йил байрами арафасида фойдаланишга топширилди. Очилиш маросимида туман ҳокими Ш.Джамалов, халқ таълими бўлими ҳодимлари ҳамда маҳалла фаоллари иштирок этишди. Реконструкция қилинган мактаб биносида ўқувчиларнинг таълим олиши учун барча шароит яратилди. Мактаб кутубхонаси фонди зарур дарслик ва адабиётлар билан бойитилди.

Бугун Самарқанд туманидаги Талибарзу маҳалласида "NURSHOD FAYZ" номли 100 ўринга ҳамда Юқори Чордара маҳалласи ҳудудида "SHAXINKA" номли 50 ўринга мўлжалланган нодавлат мактабгача таълим муассасалари ўз фаолиятини бошлади. Унинг очилишида кенг жамоатчилик қатнашди. Ушбу тадбирда туман ҳокими Ш.Джамалов оилавий нодавлат мактабгача таълим муассасаларини ташкил этиш ва фаолиятини олиб бориш учун тадбиркорларга рухсатномалар топширди.

Самарқанд туманида юқумли касалликлар шифохонасининг янги биноси фойдаланишга топширилди. 30 ўринга мўлжалланган ушбу бино учун инвестиция дастури асосида 3 млрд. сўм маблағ сарфланди. Қад ростлаган мазкур бўлим тиббиёт жиҳозлари, технологик ускуналар билан тўлиқ таъминланган. Беморлар учун махсус ва умумий хоналар мавжуд. Янги бино шифокорлар учун ҳам, беморлар учун ҳам қатор қулайликларга эга.