Янгиликлар

Tungi reydda 5 nafar voyaga yetmagan bolaga chora ko‘rilishi belgilandi

Samarqand tumanida o‘tkazilgan reyd tadbirlarida voyaga yetmagan bolalarning tungi vaqtlarda bemaqsad yurganliklari aniqlandi. Reyd tadbirlari tuman hokimligi bolalarni himoya qilish sho‘ba mudiri, din ishlari bo‘yicha bosh mutaxassisi, ichki ishlar, xalq ta’limi bo‘limi, yoshlar ishlari agentligi, tuman soliq inspeksiyasi xodimlari hamkorligida tashkil etildi.
Tungi reyd davomida voyaga yetmagan shaxslarning tungi vaqtda ota-onasidan biri yoki uning o‘rnini bosuvchi shaxsning kuzatuvisiz ko‘ngil ochish (dam olish) joylarida bo‘lishi holatlari o‘rganildi.

“Gulobod agrobiotexnologiyalar texnikumi” direktori o‘rinbosari diplom olib berishni va’da qilib fuqarodan 1 000 AQSH dollarini firibgarlik yo‘li bilan olgan vaqtida ushlandi

Bosh prokuratura huzuridagi Departamentning Urgut tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda, “Gulobod agrobiotexnologiyalar texnikumi” direktori o‘rinbosari I.Sh. fuqaro U.ni texnikumga o‘qishga kiritib, 2021-2022 o‘quv yili yakuni bilan unga diplom olib berishni va’da qilib, evaziga 1 000 AQSH dollarini firibgarlik yo‘li bilan olgan vaqtida ashyoviy dalillar bilan ushlangan.

Samarqand tumanida noyabr oyida 6 ming 105 tonnna mahalliy o‘g‘it chiqariladi

Samarqand tumanidagi klaster korxonalari va 315 ta fermer xo‘jaliklari  tomonidan 2022 yil hosili uchun 2 ming 35 gektar yer maydoniga ekilgan  boshoqli don ekinlari parvarishiga kirishildi. 
Ko‘pni ko‘rgan, tajribali dehqonlar g‘alla parvarishida mahalliy o‘g‘itlar bilan oziqlantirishga alohida e’tibor qaratishmoqda. Tumanda 2021 yil noyabr oyi davomida 6 ming 105 tonna mahalliy o‘g‘it jamg‘arish rejalashtirilgan.

Manzura Asrorqulova yilning eng kuchli ma’naviy-ma’rifiy targ‘ibotchisi

Samarqandda “Yil ayoli” tanlovining viloyat bosqichi bo‘lib o‘tdi. Unda shahar, tumanlarda turli sohalarda faoliyat yuritayotgan, faol xotin-qizlar ishtirok etdi.
Tanlovda bir guruh faol, jamiyatda munosib o‘ringa ega ayollar, innovasion g‘oyalarni targ‘ib qilgan eng faol olimalar, yilning eng yaxshi ijodkori, eng ilg‘or tadbirkor, kuchli ma’naviy-ma’rifiy targ‘ibotchi, yilning eng yaxshi huquq tartibot xodimalari bir qator nominasiyalar bo‘yicha taqdirlandi.

Мурожаатнинг манзили аниқ эмас

Самарқанд туман “Паррандачилик” маҳалласи Меҳриобод қишлоғида фуқаро Сатторова Дилдора томонидан 2018 йил қурилиши бошланиб, бугунги кунда маблағ етишмовчилиги сабаб қурилиши якунига етмаган хусусий мактабгача таълим ташкилоти бўйича вилоят ва туман мактабгача таълим тизими раҳбарларига мурожаат этганлиги тўғрисида видео лавҳа тайёрлаб https://t.me/aks_sado_uz/976 ижтимоий тармоққа қўйилган.
Ушбу масала юзасидан бўлим томонидан мазкур фуқаро Д. Сатторова билан боғланишнинг имкони бўлмади.

2015-2021 © Самарқанд туман ҳокимлиги. Сайт яратувчиси: SAKTRM